【Emily】夏寶龍抵澳 促推進國安配套立法

【明報專訊】上月嚟香港考察嘅港澳辦主任夏寶龍噚日抵達澳門，開始一連四日嘅考察，行程本身無對外公開，港澳辦噚晚透露佢去咗橫琴粵澳合作區調研，澳門傳媒就報道佢去咗澳門禮賓府出席晚宴。澳門政府噚晚約11點出稿，透露夏寶龍同澳門行政、立法、司法機關主要負責人座談時提及，維護國家主權安全係一國兩制最高原則，「只有進行時，沒有完成時」，呼籲行政、立法、司法機關要全面準確實施澳門新修訂嘅《國安法》，同埋「加快推進相關配套立法工作」。