【明報專訊】選委會界別立法會議員管浩鳴牽頭成立社福團體「香港社福界心連心大行動」，下禮拜一（29日）會喺灣仔會展搞成立典禮。Emily留意到下周活動流程，除咗同勞福局、社署合辦「社福開新篇」高峰會，仲有多個香港官員、內地官員同內地機構加持，特首李家超、國家民政部領導、中聯辦領導會擔任主禮嘉賓，勞福局長孫玉菡、社署署長李佩詩、中國社會工作聯合會會長陳存根、國家鄉村振興局中國扶貧發展中心主任黃承偉、衛健委老齡健康司長王海東都會喺唔同環節發言。
