【Emily】話雪卵等要廿萬太貴 林琳促政府增支援

【明報專訊】民建聯議員葛珮帆噚日喺立法會大會提出口頭質詢，促請政府加強輔助生育服務，包括研究提供中央冷凍卵子服務。其黨友、正在懷孕嘅林琳就個人經驗反映意見，話自己亦係早前雪卵之後再受孕，仲話各項配套加上手術要花費20多萬元，認為後生啲嘅都無經濟能力負擔，冀政府加強支援。醫務衛生局長盧寵茂就話，生兒育女係重要嘅家庭決定，政府唔應該直接干預，重申公私營醫療機構現在均提供一系列輔助生育服務。