【Emily】黃偉綸：做記者可享中產生活 如問責官

【明報專訊】由香港恒生大學舉辦嘅「第七屆恒大商業新聞獎」噚日舉行頒獎禮，副財政司長黃偉綸致辭時寄語記者，如果努力工作，前途將會理想，「（做記者）會唔會大富大貴？就唔會嘅。同做問責官員一樣，你都係有合理中產生活水平㗎啫」。佢並點名台下多名傳媒高層，「（佢哋）全部唔係身光頸靚、穿金戴銀，但都係好健康、好合理、有尊嚴嘅生活」。Emily留意到，傳媒同業隨即對副司長嘅說法議論紛紛，有人提到政治助理最低人工有7萬多元，同唔少記者嘅人工相差一截。