【Emily】太古坊義賣舊書 設倪匡紀念專區

【明報專訊】第11屆太古地產「書出愛心．十元義賣」一連兩個星期喺鰂魚涌太古坊舉行，噚日係第一日，吸引咗唔少人到場。主辦方話，上個月已經喺網上舉行兒童及青少年二手書籍義賣，售出近兩萬本，籌得近20萬元，期望今次義賣活動最終可以籌到超過100萬元，所有款項會用嚟支持香港小童群益會嘅「群益寶庫」計劃，同埋義務工作發展局推動義務工作嘅持續發展。