【明報專訊】立法會發展事務委員會原訂下周二（25日）開會傾北部都會區旗艦創科項目「新田科技城」，但委員會本周一（17日）突然話應「政府當局要求」修訂咗議程，押後到下月23日嘅會議先傾新田科技城，改為新加入「向受政府項目影響的棕地作業提供協助」項目。Emily聽講，因為由特首主持嘅「北部都會區督導委員會」喺呢個月已傾過新田科技城嘅規劃，所以當局想再小心規劃先再上立法會討論，於是押後議程。
