【Emily】駐軍裝甲車隊過東隧

【明報專訊】十幾架有「ZG」（駐港）字樣嘅駐港解放軍部隊裝甲車，噚日中午時分喺警方電單車閃燈開路下駛出東隧九龍出口，向觀塘方向行駛。現場所見，呢批裝甲車有唔同型號，部分車頂配備機關槍，另有幾架睇落較重型，車頂裝咗兩支機關槍，仲有軍人企直喺機關槍後方。裝甲車行經之處，前後都有警隊電單車護航，其他車唔可以靠近，而裝甲車就每架相隔幾十米距離，場面都幾壯觀，沿途引起司機同路人嘅注視。