【Emily】除罩復常同街坊燒嘢食 田二少帶埋外孫女抽獎

【明報專訊】口罩令解除，政黨及議員紛紛復辦「蛇齋餅糉」活動，實政圓桌立法會議員田北辰周日就喺元朗一個燒烤場搞咗個大型春季燒烤日，有成300名地區街坊同義工參加。田二少話，無口罩令代表復常，慨嘆過去3年大家都要戴住口罩，長時間無得一大班朋友出嚟見面，𠵱家可以搞番活動，天氣涼涼哋最啱就係燒嘢食。活動有抽獎環節，田二少仲帶埋「神秘嘉賓」、佢大女嘅囡囡幫手抽獎，𧨾得大家好開心。