【明報專訊】土耳其本月初發生大地震，至今累計造成4萬多人死亡，重建之路仍遙遠。土耳其駐港總領事館喺facebook話，收到香港優才（楊殷有娣）書院嘅小學學生寄嚟嘅慰問卡（圖），以英文寫上「深切慰問」、「會向好的」並畫上心心圖案，仲有學生特登用土耳其語送上祝福。土耳其駐港總領事館感謝呢批小學生嘅心意，話喺困難時期，學生用溫暖嘅圖畫同信息令佢哋開心咗一整日，並溫暖地向學生回話：「我們愛你！」
