【Emily】回應《十九歲》 童權會：兒童係獨立個體

【明報專訊】由張婉婷執導嘅紀錄片《給十九歲的我》暫停公映後，風波仍未停，繼之前有受訪女仔話簽同意書時被誤導，噚日香港兒童權利委員會喺facebook開聲話，喺欠缺強烈嘅兒童權利觀點同完善嘅保障兒童系統下，有時候會容易依賴父母或法定監護人為子女做決定，但《兒童權利公約》明確指出，兒童係獨立個體，表達意見嘅權利需要被尊重，亦應該根據年齡同成熟程度受到應有嘅看待。