【Emily】鄭若驊喺梁定邦嘅事務所執業

【明報專訊】前律政司長鄭若驊卸任後除咗做北京清華大學教授，Emily留意到佢個名再次出現喺大律師名冊，政府喺Emily噚日查詢後，同日更新「前任行政長官及政治委任官員離職後工作諮詢委員會」意見，證實鄭若驊自上月9日開始以自僱身分做大律師、仲裁員同調解員。鄭若驊仲向委員會承諾，離開政府一年之內，唔會接受律政司嘅委聘。順帶一提，鄭今次無重投昔日嘅大型大律師事務所，而係轉投資深大律師梁定邦嘅事務所。梁定邦向Emily證實，話相信鄭會逐步恢復大律師執業同仲裁工作。