【明報專訊】全國人大常委譚耀宗（譚sir）早前宣布，出於年齡考慮會退任常委，外界關注今年已73歲嘅佢係咪諗住從此退休。譚sir接受有線新聞訪問時就話，退任後會有新崗位，最近做咗全國港澳研究會副會長，日後可能都會有好多工作，舉例話好似兩年幾前兩名前特首董建華同梁振英搞「香港再出發大聯盟」，都搵咗佢做秘書長，有需要搵佢嘅都希望盡量幫忙，無諗係咪𠵱家就退休。
