【Emily】駐軍新年首次實戰化軍事訓練

【明報專訊】解放軍駐香港部隊周二晚發布消息話，部隊當日舉行咗2023年度開訓動員。當日陸海空三軍部隊奔赴訓練場，開展新年度首次實戰化軍事訓練。喺駐港部隊嘅石崗軍營，空軍3架直升機新年首飛，而喺昂船洲軍營，海軍宿遷艦等5艘艦艇亦駛離軍港，前往香港某海域作編隊航行、綜合攻防等實戰化課目訓練。同時，特戰、裝甲、儀仗等多個專業都展開咗新年度首次訓練。駐港部隊話，訓練進一步立起大抓軍事訓練嘅鮮明導向，展現咗駐軍全體官兵奮鬥強軍、矢志打贏嘅昂揚風貌。