【Emily】回顧任議員一年 狄志遠話好敢言咁監察政府

【明報專訊】新年新開始，唔少人趁機回顧過去、訂立來年嘅工作目標，今屆立法會議員剛好上任一年，其中身兼新思維主席嘅狄志遠噚日發表工作報告，佢話自己作為非建制派一員，過去一年「好勇敢、好敢言咁」監察政府，亦會用啲比較嚴肅嘅態度去批評政府嘅表現。不過Emily睇番日前本報報道過關於立法會議員過去一年嘅投票意向，狄志遠喺政府提案嘅投票取向，同建制派都幾相近。