【明報專訊】香港同內地有望下月中通關，有人擔心通關後會有「搶藥搶針」潮，政府上周四（22日）強調，復必泰二價疫苗會優先免費畀香港居民接種。行政會議召集人、新民黨主席葉劉淑儀噚日喺facebook透露，佢上周五（23日）去咗港怡醫院打復必泰二價疫苗，佢話自己距離打第四針已經過咗6個月，所以合資格打第五針。佢話打針後手臂有輕微腫痛同有啲攰，休息一晚後已經恢復精神，聖誕假期間仲每日行山，步行最少6公里，身體及心跳機能一律正常，感覺良好。
