【明報專訊】聖誕節假期立法會休會，議員各自「充電」。民建聯梁熙話，佢咁多年來都扮演「聖誕老人」角色，喺聖誕送禮畀爸爸，因為爸爸喺聖誕節生日。佢話細個時會畫張生日卡，大個咗就會買吓衫，而近年爸爸鍾意玩電子用品，佢由手機到平板電腦都送過；𠵱家做咗議員好忙，陪家人時間少咗，所以噚日決定今年送自己做生日禮物，承諾噚日唔接電話、唔睇手機，同爸爸食餐飯，共敘天倫。
