【明報專訊】前支聯會副主席鄒幸彤（阿彤）被控煽惑他人明知而參與未經批准集結罪罪成，後來上訴得直罪脫，但因有其他案件仍遭還押。立法會前議員邵家臻噚日去探訪阿彤，並喺facebook交代佢嘅近况。邵家臻話，阿彤冇諗過會上訴得直，現正全心預備支聯會拒交資料案，將會繼續自辯。邵亦提到，阿彤喺獄中唔想浪費時間，「只貼信封未免太無聊」，預備上庭之外，亦自學韓文同日文。
