【Emily】紅隧唔就世盃 議員嬲嬲 江玉歡促下次盛事為民着想

【明報專訊】卡塔爾世界盃落幕，唔少立法會議員都有觀賞阿根廷對法國決賽，其中選委會界別江玉歡就話有一件事好滑稽，就係紅隧喺呢啲大日子竟然喺散場時實施單管行車，行車道由7線變1線，結果唔少司機用咗最少30分鐘先入到隧道，而油麻地往紅磡加士居道嘅天橋亦都封咗，佢反問政府當局喺下次遇到同樣盛事，可否設身處地為民着想。至於講番場波，佢就形容係峰迴路轉、精彩萬分，捧阿根廷嘅佢好開心。