【明報專訊】陳南祿（Philip）出名瓣數多，早前退任馬會主席嘅佢，除咗出旅遊書同航空專著，早前仲出版咗一本書，叫做《馬不停蹄——從跑馬地到沙田》（圖），係佢60多年來喺馬圈場內場外嘅見聞。做過好多大企業高層嘅Philip，細細個已經對賽馬好有興趣，睇馬、影馬、買馬都有獨到心得，亦記得好多有趣故事。佢相信呢啲都係好多香港人嘅共同故事，所以佢希望透過呢本書分享馬蹄聲、人聲同掌聲背後嘅故事同相片，等大家茶餘飯後有啲輕鬆話題。
