【明報專訊】秋冬之間係元朗大棠賞紅葉季節，港鐵特別開設紅葉巴士K66A，接載市民由朗屏站出發直達大棠山道睇楓香林。「鐵仔紅葉巴士」噚日朝早11點正式接載乘客，有超過200人乘搭（圖），港鐵話乘搭首班專車嘅乘客獲贈紀念品。另外，港鐵噚日喺客務中心，以及網上發售1:120「鐵仔紅葉巴士場景模型」，都有唔少「車膠」購買。
