【Emily】十歲孩兒 七年不能同媽媽慶生 輸傭政策半世紀 相展記錄外傭離鄉辛酸

【明報專訊】唔少菲律賓、印尼嘅媽媽，為令仔女有更好嘅未來，長年離鄉別井嚟到香港打工，要照顧僱主嘅小朋友，但佢哋就要克服時差、距離等障礙，先可以同自己嘅仔女溝通。輸入外傭政策明年將踏入50年，為咗向呢班媽媽致敬，融幼社舉辦「母愛跨越距離」網上攝影展，展示唔少外傭同至親相處嘅動人場面。