【Emily】乳健中心推手 將院物理治療師膺傑出員工

【明報專訊】曾接受乳房腫瘤或腋下淋巴組織切除手術嘅乳癌病人，手術可能導致淋巴結受損並出現水腫，令手臂皮膚出現「蜂窩組織炎」或者腫到連手都舉唔到，患者日常生活往往因此飽受困擾，適當嘅物理治療可以減輕上述情况惡化。今年獲得醫管局傑出員工獎嘅將軍澳醫院一級物理治療師蔡惠榮，就有份推動將該院成立乳健中心，中心提供淋巴水腫門診服務，由舊年10月投入服務以嚟，已為50多名病人提供物理治療控制淋巴水腫。