【Emily】「學習二十大」議案 辯論時間撤限 如所有議員發言可傾7個鐘 過往多限4小時

【明報專訊】中國共產黨二十大會議完結後，各處吹起學習風，有官員同Emily講，上級已指示要大搞學習會，認識二十大精神。立法會方面，下周三（11月2日）大會有由林順潮議員提出嘅「學習二十大精神，推動香港發展」議員議案，以往嘅議案一般限時辯論4個鐘，大主席梁君彥噚日開綠燈撤限，講明所有議員都可以發言一次，提議案嘅林順潮可以講10分鐘，其他人最長講5分鐘。以此計算，議案最長可以傾430分鐘，即7個幾鐘。