【Emily】疫下囡囡無份 容海恩偕夫遊菲 回港檢疫後要即持「黃碼」上庭返工

【明報專訊】立法會仍在休會，新民黨議員容海恩（Eunice）噚日去咗菲律賓旅遊，話休息一周先返嚟，但佢話始終有新冠疫情風險，今次無帶兩個女去，淨係同老公袁彌昌去拍拖。Eunice去當地7日，返港檢疫3日，然後要即刻持「黃碼」去法庭工作，佢話日子預得好緊湊，行程會小心防疫，以免染疫影響返港及檢疫安排。近日社會熱烈討論政府應否放寬「3+4」（3日酒店檢疫、4日家居醫學監察），Eunice話唔少市民想放寬至「0+7」或更寬鬆。