【Emily】教大200歐亞生賀中秋

【明報專訊】聽日就係中秋節，香港教育大學星期三（7日）舉辦咗每年一度嘅中秋節聚會，有近200個分別嚟自內地及歐亞各國嘅學生參與。校方話希望透過猜燈謎同自製燈籠等活動，畀學生了解佳節傳統，體驗中國文化。教大校長張仁良（右一）話，同學們離開自己熟悉嘅地方難免需時適應，但即使身在異地，只要抱持開放態度，積極投入各類活動，就能融入當地生活同增廣見聞。佢又憶述自己當年喺法國留學嘅經歷，鼓勵交換生主動交朋友，欣賞彼此文化。