【明報專訊】特首李家超下月中發表《施政報告》，民建聯港島東團隊上月11至26號喺區內收集1304個市民意見，選出十大最受關注嘅議題，當中最多人關注地區清潔衛生，佔86.8%。港島東立法會議員梁熙話，最近政府推行全港清潔行動，但唔少街坊反映過往幾屆政府都搞過大清潔，次次做完都故態復萌，或者只係個衛生黑點轉咗去第二度，所以希望政府嘅清潔工作可以堅持落去。佢又話，街道係咪持續整潔，足以反映政府施政嘅魄力。
