【Emily】海事處打撈啟豐二號

【明報專訊】去過釣魚島宣示中國主權嘅保釣船「啟豐二號」舊年7月沉咗，海事處噚日派員去筲箕灣避風塘打撈。保釣行動委員會主席、船東羅堪就話海事處事前冇同佢講，認為唔太尊重，希望船入面嘅天后像、羅盤等具紀念價值嘅嘢如果仲完整，可以獲歸還。佢又話隻船𠵱家化成碎片，覺得傷感，但強調保釣行動唔會因為無咗隻船而終止，委員會將繼續宣傳教育，有信心大家會堅持追求領土完整、民族尊嚴。