【明報專訊】新一屆立法會有幾個講普通話嘅議員，包括商界（第三）嚴剛（圖）。50歲嘅嚴剛係「港漂」，香港回歸前已喺香港工作，有時都會喺立法會講廣東話。佢接受內媒中通社訪問時就講到，愛國唔一定要體現喺講普通話上，但認為港人能講流利普通話，對於融入國家發展有益處，又話立法會有議員講普通話係一種趨勢，香港回歸之前議會主要講英文，𠵱家主流係粵語，「未來多幾個議員講普通話，能更好推動多元文化的交流」。
