【明報專訊】公務員事務局前局長聶德權（Patrick）卸任後，一直未見其最新動向，噚日佢終於喺facebook「現身」，提到今個月中開始，先後遇上兩個生命中嘅難忘經歷。新冠病毒疫情爆發兩年多，Patrick擔任局長期間未曾染疫，但喺最近一波疫情中，由於同住家人確診，佢要居家檢疫，結果喺檢疫期第7日出現病徵，做快速檢測結果呈陽性，要繼續留家隔離7日。雖然症狀輕微，但Patrick話「中招」第一晚徹夜無眠，喉嚨好痛兼聲音沙啞，經歷埋N年未試過嘅失眠。 相關字詞﹕復常 新冠病毒 我們的藍調時光 聶德權
