【明報專訊】有「公職王」之稱嘅黃遠輝（Stanley），近年陸續卸下多項重要公職，包括城規會副主席、市區重建局非執行董事、房委會資助房屋小組委員會主席，及已解散嘅土地供應專責小組主席，但仍然擔任環諮會主席同博物館諮詢委員會主席。最近環諮會審議粉嶺高球場發展環評報告，傳媒報道Stanley喺年底做滿6年，未必再延任。佢日前同Emily談及此事，原來佢都唔記得咁快到期，係其他人提醒先知道。
