【Emily】慳電唔夠超英錦星鬥 謝展寰話會開冷氣

【明報專訊】天氣持續酷熱，唔少人喺室內都會開冷氣，環境及生態局長謝展寰接受本報訪問時，被問到會唔會好似前環境局長黃錦星同天文台前台長林超英咁，即使炎炎夏日都唔會開冷氣？謝sir話無諗過要鬥慳電，亦承認唔夠佢哋鬥，佢諗咗幾秒再話，無佢哋咁積極，會貼近一啲正常人嘅生活，會開冷氣，但都可以選購節能電器，例如LED燈具同變頻式冷氣，做到節能減碳，抵消電費升幅。