【明報專訊】臨近學期尾，唔少政界中人都獲邀出席學校畢業禮，實政圓桌田北辰（右）噚日就喺吳氏宗親總會泰伯紀念學校，遇見生命小鬥士蕭奕彤（中）。彤彤今年6月因心口痛及肚痛入院檢查，證實為心肌炎，更急劇惡化，一度要用心肺機，經歷幾次手術戰勝病魔，噚日可以出席畢業禮，仲同同學仔、老師一齊唱《友共情》。田二少話呢個女生唔單止完成小學學業，仲喺家人、老師、朋友嘅支持下，完成生命重要一課。圖左係彤彤媽咪。
