【明報專訊】第五波新冠疫情有大量長者染疫後離世，Emily搵番衛生署衛生防護中心嘅數字，截至19日零時，第五波死亡個案有9231宗，80歲或以上染疫死亡個案佔6542宗，不過前晚政府嘅官方facebook「添馬台」發文，提到第五波疫情中，80歲或以上長者嘅死亡個案高達64,000多宗，Emily睇到當堂嚇親，點解突然多咗咁多？仲要「政府新聞網」、「衛生署衛生防護中心」等官方facebook平台都有轉載。最終「添馬台」事隔20個鐘，噚日下晝近3點先更正番，80歲或以上死亡個案係有6500多宗先真。