【明報專訊】西貢斬竹灣連接大網仔路一條倔頭路，地政總署原先建議取名「誌遠路」（Chi Yuen Road），取抗日烈士碑園對面嘅「慎終追遠」牌坊嘅「遠」字。民建聯立法會議員林琳同新社聯西貢鄉郊聯絡處主任李家良另有建議，覺得叫「誌烈徑」（Chi Lit Path）好啲，寫信畀地政總署一個月都唔使，就「成功爭取」署方接納以「誌烈徑」為建議，重新諮詢。
