【Emily】10公廁變「智慧」 廁格實時報數 網民：不如加人清潔 食署：改善服務

【明報專訊】荃灣德華公園公廁外面近日安裝咗電子屏幕，實時顯示男廁同女廁內可用尿兜、可用廁格嘅數量，同時亦顯示氣溫同濕度。一眾網民對呢樣「新科技」感到好奇，亦有人批評浪費資源，話不如請多幾個工友清潔。食環署回覆Emily話，署方同機電署合作，舊年第三季起陸續喺轄下10個公廁安裝「智慧廁所」試驗計劃嘅設備，當中包括德華公園公廁。