【明報專訊】因煽惑參與遊行等案入獄嘅立法會前議員何秀蘭（Cyd，右）月中刑滿出獄後，唔少政圈好友都有約佢聚聚。立法會前議員黃碧雲（左）日前都同呢位前同事見面，二人喺2012至2016年嘅立法會共事咗一屆，前晚聚餐，碧雲喺facebook上載合照，引述Cyd講到獄中經歷，多次強調喺香港坐監並非大家想像中咁辛苦，雖然失去自由，但只要調整心態，係可以應付得到嘅。碧雲就話：「不得不敬她一杯！」
