【Emily】庭上見支持者喊 阿尹囑小編照顧街坊

【明報專訊】第五波新冠疫情影響在囚者探訪安排，民主黨尹兆堅facebook小編今個月終於見番阿尹，噚日出帖更新阿尹最新情况，小編話佢睇嚟更「Man」、肌肉更結實，精神唔錯，仲轉述做咗多年葵青區石蔭選區區議員嘅阿尹話，之前上庭見有石蔭街坊喊，叮囑小編同秘書仔要好好照顧每個街坊，仲叫大家唔使擔心，希望街坊保重身體。下月「35+初選案」提訊，仲係阿尹嘅生日月，小編呼籲大家喺阿尹生日（6月7日）前寄生日信畀阿尹。