【Emily】新民黨招近20「超新星」 跟黎棟國李梓敬學嘢

【明報專訊】唔少政黨會搞青年實習計劃，畀年輕人了解政黨工作之餘，亦可發掘年輕人對政治工作嘅興趣。新民黨嘅「政壇超新星實習計劃」今年3月公開招募實習生，主要招收大學生，高中生都可以報名，獲取錄者會分別跟該黨3名立法會議員黎棟國、李梓敬同陳家珮工作。李梓敬噚日喺facebook話，計劃收到70幾個同學報名，最後取錄咗唔夠20人，分兩期返工，而早排已完成第一日培訓。