【明報專訊】李家超辭任政務司長選特首後，中央無委任司長一職，唔少以往司長嘅工作，由特首林鄭月娥親自做埋。林太繼前日主持扶貧委員會後，噚日現身兒童事務委員會，代替司長主持會議。會議上有討論「童樂居」虐待兒童事件，以及兒童死亡個案檢討委員會提交嘅報告，講述學童自殺情况。林太仲引用一句英文諺語「It takes a village to raise a child」嚟形容工作，話保護兒童唔止係政府嘅任務，仲有所有服務提供者、校長及教師，最重要係父母嘅責任。
