【明報專訊】旅發局之前宣布新一輪的「賞你遊香港」有6萬個名額，噚日終於公布首批會有約150個行程，圍繞「探索文化」、「大城小區」、「維港秘景」同「尋覓美食」四大主題，包括參觀天際100觀景台、去星級酒店食自助午餐等，首批行程大部分都係免費，如果想暢遊主題樂園迪士尼同喺園內指定餐廳享用晚餐，就要畀190蚊團費。市民揀到啱心水嘅行程後，今日（17日）就可以直接向相關旅行社報名。
