【明報專訊】政界噚日除咗關注特首選舉，唔少人都喺社交媒體談及母親節，其中選委會立法會界別議員管浩鳴上載兒時同媽媽嘅合照，話「感恩無私的母愛」。管牧一直有跟進台灣殺人案疑犯陳同佳個案，佢到會展投票選特首時，被記者問及會唔會同候任特首李家超商討事件，管牧就話，李家超想先注重民生方面工作，佢會稍後先跟李傾吓點處理，「當然最理想梗係台灣方面畀佢（陳同佳）返去，但唔係嘅話，我諗睇吓喺香港呢個情况，或者其他有無辦法，等到同佳呢事件可以圓滿解決」。 相關字詞﹕林鄭月娥 母親節 管浩鳴 陳同佳
