【明報專訊】立法會選舉委員會界別議員都去開地區議員辦事處，其中江玉歡（Doreen）預告，5月及6月內會一口氣開5間地辦，仲要分佈港島及九龍。Doreen話，佢想透過地辦，推動社區互助概念及建立鄰舍關係，計劃每月搵一日做「歡DAY」，概念係每次聯繫一間地區嘅食肆，向佢哋購買50份餐券，再轉贈畀區內基層者，食肆唔使做蝕本生意，又可以服務社區，建立社區關係，而住戶又可以受惠。
