【Emily】小虎sir復職：無諗過成正能量榜樣

【明報專訊】2019年國慶日有示威者喺屯門集結，人稱「小虎sir」嘅警員被淋腐蝕液，右手同背部多處受傷，喺內地治療。舊年7月返港嘅「小虎sir」，上月復職，協助抗疫後勤。佢早前接受《大公報》訪問，噚日刊出，話呢次受傷有失亦有得，失去部分皮膚組織，但得到社會各界支持，無諗過自己喺網上分享治療過程，卻成為正能量榜樣，期望「教導下一代有正向價值觀，感化嗰啲曾被煽動而誤墮法網嘅年輕人重新思考」。