【Emily】缺席近5次大會 素蔚出來了 家有急事北上 遇隔離封區

【明報專訊】連續缺席近5次立法會大會嘅專業動力議員林素蔚，前日先喺內地過關返港，噚日終於現身立法會並就財政預算案發言。Emily有近一個月未能聯絡上佢，最多都係同到佢助手溝通，噚日午飯時間喺會議廳外搵到本人。佢解釋多次無開會，因為身處內地隔離區內，「無一個好stable network」，走時又走得太急，帶唔切相關器材。佢話自己喺內地期間，都有處理選區內居民求助，亦有提書面質詢。