【明報專訊】Emily收到消息，位於西九文化區嘅M+博物館，董事局將有人事變動，行政會議召集人陳智思（圖）自4月1日起會接替已經做咗6年嘅金山工業（集團）有限公司主席兼總裁羅仲榮，擔任M+董事局主席。主席換人係咪代表M+有新變化，特別係外界擔心M+展品會有審查？據悉，現行政策係展覽由策展人負責，以專業、持平同客觀態度去策展，唔涉其他考慮，但亦會確保守法，收藏政策符合國際最高標準，消息人士話呢啲政策唔會因為董事局有人事變動而有變化。 相關字詞﹕故宮文化博物館 陳智思 M+
