【明報專訊】東鐵線過海段預計6至7月通車，屆時火車乘客可以坐車直達港島。港鐵噚日凌晨就有聯合緊急救援演習，測試列車發生事故時嘅各項應變措施同乘客疏散程序，消防處同警務處都有參與演習，機電署、運輸署同路政署有派員視察。演習模擬一列列車由紅磡站開往新建成嘅會展站途中，一名乘客嘅行李突然冒煙，列車喺差唔多同一時間亦唔好彩失去動力，並喺兩個站之間嘅隧道停低，車上「乘客」喺車站職員帶領下，由列車安全疏散至路軌，沿隧道步行至會展站，獲救嘅「受傷乘客」就被帶往安全位置接受治理。 相關字詞﹕沙中線 東鐵線過海段
