【明報專訊】 蘭桂坊集團主席盛智文早排寫信畀特首林鄭月娥，批評政府資訊混亂，引起好多人共鳴，之後佢四出受訪繼續批評政府，同時為政府講好說話，又強調對香港未來有信心。噚日佢接受香港外國記者會訪問，講到有已打疫苗嘅人，不滿因長者接種率低而要自己受罰，盛智文話好理解呢啲人，話政府嘅疫苗政策出錯，質疑點解政府推好多好嚴格嘅防疫措施，但打針就唔嚴格執行？
