【Emily】反駁房署人員拒上前線指控 公總：葉太言論無損士氣

【明報專訊】新民黨主席、行會成員葉劉淑儀日前喺facebook發文，話聽聞房署人員唔願意上前線執行抗疫工作，引來房委會不點名反駁。公務員總工會（公總）噚日發聲明點名回應葉太，主席馮傳宗同Emily講，葉太嘅帖文引起公務員關注，所以主動聯絡對方澄清傳聞。佢唔擔心葉太嘅言論影響外界對公務員觀感，亦無打擊公務員士氣，認為事件只係一名公眾人物提出意見，雙方有良性互動。