【明報專訊】荃灣二陂坊公園由康文署管轄，2018年政府同「未．共研社」及不同設計師合作，重新設計，𠵱家公園有軟膠小山丘、繩網氹氹轉等遊樂設施，惟軟膠小山丘呢個設計就令到唔少行人發生意外。民建聯立法會議員陳恒鑌（Ben）同荃灣南分區委員會委員伍俊瑜話，自從呢個「奇幻世界」喺去年4月啟用後，不斷收到街坊投訴話有陷阱，伍引述街坊話以為係平面設計，唔為意行過去就仆親，仲上載附近商戶提供嘅CCTV意外片段。
