港聞

港聞二

【Emily】林健鋒問林鄭政治人才「係咪嚴守紀律」

【明報專訊】1月3日有份出席港區人代洪為民生日會嘅官員、立法會議員,好多喺事後自認敏感度不足,特首林鄭月娥仲批評有官員冇以身作則,應喺疫情嚴峻時避免去私人聚會。行會成員、經民聯副主席林健鋒噚日喺立法會特首答問會,由政府架構重組講起,先讚林太提出政府架構重組係回應各方面訴求,但佢認為下一步更重要係搵到政治人才,講講吓就扯到去問政治人才係咪有足夠政治敏感度、嚴守紀律,「做到可以帶頭,做示範作用」,不過佢提問時無提「洪門宴」。漁農界議員何俊賢事後大讚林健鋒「問得好」。

相關字詞﹕林鄭月娥 林健鋒

上 / 下一篇新聞